نكت مصريه ميه فى الميه

واحد صعيدي راح لدكتور عيون برضو صعيدي قاللو مالك؟ قاللو لما بحط ايدي على عيني ما بشوفش راح الدكتور خرم لو إيدو.

واحد بيقول لخطيبته لما أزمر أنزلي علطول عشان ما نتأخرش قالت له الله يا حبيبي اشتريت عربية أكييييييييييد ؟ قال لها : لا اشتريت زماااارة

واحد إرهابي خواف شرب مخدرااات وانسطل عشان يمكن ده يساعده في خطف الطيارة. وعشان ماهو مسطووول بدل ما يدخل الكابينة , دخل التواليت , لقا واحد قاعد , حط المسدس في راسه وقال له : نزلها في قبرص .

واحد غلس وندل أوي .... عينوه رئيس مصلحة التلفونات ... راح مغير رقم المطافي من 122 الى : 3796815024

مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟

واحد معدى لقى ناس بتهيص قوى قالوهم فية اية.. قالوله فى واحد بلدياتناعايز ينط من سطح العمارة..قالهم خلاص انا طالعلة... طلعلة وقاله عايز تنتحر لية... بلدياتنا قاله اصل انا غبى وكل الناس بتقول علي غبى .. راح الراجل قايله هاقولك فزوره لو حلتها ماتبقاش غبى .. حاجة اسمها زى شكلها .. بلدياتنا : ماخبرش .. الراجل:البيضة اقولك واحدة تانية .. حاجتين اسمهم زى شكلهم .. بلدياتنا :ماخبرش .. الراجل: بيضتين اقولك واحدة تانية بسيطه و سهله .. حاجة كبيرة وسودة وبتجيب لبن واسمها جموسة .. بلدياتنا 3 بيضات

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

دى بقى جامدة جدا

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس بوش خطفوه و الفدية 5$ مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين" !

مرة واحد جاب بغبغان هدية لواحد صعيدى وبعد كام يوم سألة اية اخبار البغبغان ??. قال له عادى يعنى طعمة طعم فراخ

اثنين عندهم كلاب صيد
صاحب الكلب الاول أول ما يضرب طلقة من الندقية
يجرى الكلب ويروح يجيب الفريسة
والثانى أول ما يضرب الطلقة كلبه يكّش
فنصحة صاحبة انه يروح أفراح في الارياف، فالكلب هيتعود على صوت الرصاص
راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرط