موضوع: امثال شعبية الإثنين ديسمبر 07, 2009 9:03 pm
السلام عليكم ورحمة الله
وبعد السلام يحلى الكلام اللى اتمنى منكم يلاقى استحسان فكرتى فكره جديده وظريفه وبتخص الامثال الشعبيه مين فينا مش حافظ له كام مثل شعبى؟ مين فينا مش بيحب يسمع شعرحتى لو مش بيعرف يكتبه ؟ طيب حد يسئلنى ويقولى يا ست انتى هو موضوعك ده امثال ولا شعر ها حد يسئل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ارد على سؤالك بقى واقول انه الاتنين يعنى فشر هيدن شولدز اتنين فى واحد لا كمان مش بس اتنين فى واحد دول تلاته ( امثال _ شعر _ مسابقه ) هسيبكم تقروا الكلام ده واكيد هتفهموا اقعدوا بالعافيه بقى او اقفوا يعنى هيا رجلى هههههههههههه
حصريا ( أمثال بلدنا )
أمثال بلدنا كـــــتير مالها حدود ولا حصر عاشت نرددها بينا العصـــر بعد العصـــر فيها شموخ الهرم فيـها وفــــاء النـــــيل وطيبـــة الفلاحـين وفيها حكــــمة مــــصر
الشعر ده مقدمه لفكره جديده وهيا مسابقة الامثال الشعبيه والفكره عباره انى بقول بعض الابيات الشعريه والا بيات دى بتكون على وزن مثل شعبى معروف وفى نفس الوقت معنى الابيات هو نفس معنى المثل الشاطر فيكو هو اللى هيقدر يوصل للمثل ده
مثلنا النهارده بيقول حب الناس للنـــاس عمره ماكــان تنهــــيد ولا سهد وحرمـــان ولا شوق ولا مواعـيد ولا نظــــــرة حــنيه ولا ايد تلمـــــــس ايد قال فى الحب مثلنا .......................
ها حد عرف المثل ؟ زى ما قلت الابيات فيها معنى المثل ونفس قافية الابيات هيا هياها نفس قافية المثل هسيبكوا تشغلو دماغكو لاول مره وتفكروا وأنا عارفه لما حد يشغل دماغه يالله السلامه مستنيه اجا باتكم
موضوع: امثال شعبية 
الإثنين ديسمبر 07, 2009 9:03 pm
