انا فلاحة مصرية وبحبك يا مصر

بقلمى

أنا فلاحة
نعم أنا فلاحة ولى الشرف .... خلقنى الله فلاحة مصرية
من تراب مصر
ومن نيل مصر
ومن هواء مصر

أنا أعظم نساء الأرض
فأنا مصرية

أنا أطهر مخلوقات الكون
ويكفينى أنى مصرية

أنت يا من تتصور عندما تقول لى ازيك يا فلاحة أنك وجهت لى إهانة
تكون أحمق
متخلف
لا تفقه شئ
فمصر هى من جعلتك شئ يا لا شئ
والفلاحة هى التى بنت العالم يا مجرد من التفكير

أنا فلاحة مصرية
ويكفينى أنى مصرية كى أسود العالم
يشرفنى أنى فلاحة
ويزيدنى شرف أنى مصرية

مصر يا أجمل وطن وأرق سكن وأدفء مكان
يا واحة كل البشر وقبلة كل إنسان
أحبك يا بلدى فى كل وقت وأوان
بحبك وقت الشروق وانتى مالية العالم حنان
وأحبك وقت الظهر والشمس حارقة المكان
وأحبك لما الظلمة تحل والبرد يجمد كل مكان
بحبك فى وقت النصر وأرفع راسى لفوق واهتف واقول بحبك كمان وكمان
واحبك وقت الشدة أشد
وارفع راسى لفوق فوق الجبال واهتف ويصرخ قلبى بحبك يا بلدى كل زمان

ولما يجى الخريف عليكى يا بلدى
اجرى عليكى وارفعك بيدى
انا ليا مين غيرك يا سمرا يا صبرا
انا ليا مين غيرك يا بلدى
علمتنى ان مفيش على أرضك مستحيل
وبكرة هيجى النصر لحد عندك
وكل حقير يقرب منك يتحرق بقوة شمسك
بحبك يا بلدى برغم المخاطر
بحبك ودمعى فى القلب ساكن
بحبك وكل يوم حبك شجرة فى قلبى بتكبر وفروعها بتكتر
تضلل عليا فى حر الشمس
ونيلك فى دمى بيجرى حتى فى وقت اليأس
بحبك وانا فلاحة
بحبك وانا دكتورة
بحبك وانا مهندسة
بحبك فى كل وقت وكل هيئة
وافتخر انى اتولدت مصرية
وانا كل يوم وكل وقت بقول
أنا فلاحة مصرية

» أمثال مصرية
» نكت مصرية حمادة سلطان
» أمثال شعبية مصرية طحن
» مجموعة صور كاركتير مصرية
» رسائل موبايل مصرية جامدة