موضوع: نصائح للمطبخ الأربعاء ديسمبر 16, 2009 3:54 pm
بسم الله الرحمن الرحيم
اخواتى موضوع غريب وممكن يكون مفيهوش جديد لكن لاحظت ان في بنات كتير دخول المطبخ لديهم بمثابه مهمه مستحيله المهم في شوية نصائح صغيرة كده عايزة اوضحها
اولا دموع البصل مشكله رخمه وممله جدا اما يكون مطلوب تقطيع البصل بس ليها حل من اتنين اولا تحطى البطل قبل ما تنضفيه في حله فيها مايه لمده ساعتين وبعدين قشريه وقطعيه وانشاء الله مفيش دموع
ثانيا ودة اسرع نضفي البصل عادي جدا وحطيها في الفريزر نصف ساعه وبعد كده مش هيكون في دموع
لان هتان الطريقاتان يتم من خلالهما تطاير الروائح التى تسبب الدموع
تانى مشكله زيادة الملح في الطعام
احيانا اثناء الظبخ بتكتشفي ان الملح زاد منك شوية بس عادى لها حل بردو وحسب نوع الاكل والطرق هي 1 ممكن تجيبي بصله وتقطعيها صغير جدا وتحطيها في الاكل وهى هتمتص الملح 2 معلقه صغيرة من السكر متقلقيش مش هتحلون بس هتمتص الملح 3 ممكن تقشري ثمرة بطاطي صغيرة وتلقيها بالحله لمده عشر دقائق مثلا هتمص الملح بردو انشاء الله
تالت مشكله بقي الاكل لو لزق في الحله طبعا كتير بنسيب الاكل وبيلزق في الحله ودى حلها بسيط خالص غيري الحله خالص وبلاش فضايح
رابع مشكله
السسسسسسسسسسسمك
طبعا السمك اكله حلوة جدا لكن ريحتها مش حلوة خالص
طبعا بعد تبيل السمك بالثوم والليمون وغيرة مشكله القلي او الشوي بتبقي موجودة الحل انك تحطي نقط من الخل او نقط من عصير الليمون والاضمن عشان الزيت ميفرقعش يبقي تحطى نص ليمونه في صنيه القلي وكده تبقي ضربتي عصفورين بحجر مفيش ريحه وكمان طعم السمك هيبقي احلي
المشكله الخامسه لو بتسلقي بيض والبيضه اتكسرت او حدث لها شرخ في حلول كتير ممكن تغلفيها بورق فويل ودة التقليدي او ممكن تحطي معلقه ملح او ملعقه خل او معلقه من عصير الليمون للميه
سادسا الشوى ما اصعبها مغامرة لدي المبتدئين في بعض الخطوات بتقلل من صعوبتها يعني مثلا لو شوى فراخ او لحمه يبقي نكون حرصين علي ان نشيل الدهون منهم
2 بلاش استخدام الشوكه للتقليب عشان متتجرحش ويبقي شكلها مش لذيذ في التقديم 3 بلاش تقليب كتير يكفي مرة واحده او اثان 4 بالنسبه للسمك في انواع زي البلطي لازم يتحط لها ردة وفي انواع تانيه بتتلف في ورق فويل
سابعا التحمير طبعا التحمير بالذات في المطبخ بلاقي جري وخوف من السمن وحاجات كده لكن في خطوات زي 1 تاكيدي تماما ان الصنينه اللى هتحمري فيها مفيهاش اى مايه ويستحسن ان تسيبها علي النار لمده 3 دقايق ومن ثم تضعي الزيت او السمن 2 اتاكدي تماما ان الزيت سخن تماما عشان التقليب يبقي سهل وميلزقش اللحوم او الفراخ
ثامنا السلق طبعا دة مش مشكله بس مثلا منناش ان الماء وصل لدرجه الغليان قبل ان نوضع فيه اللحوم او الفراخ او اى طعام عدم وضع الملح مع الماء او بعد وضع اللحوم مباشرا لكن نحط الملح قبل ما تستوى بشوية لو لاقيتي الاكل طول في السوى ممكن تحطى نص معلقه سكر وهتستوى علي طول
اما بقي الخضار والفاكهه والحفاظ عليهم
البطاطس والباذنجان من الخضار اللي بيسود اما يتقشر فالحل انك تحطيهم في ميه بملح اما الفواكه زى التفاح والموز ممكن تحطيهم في عصير بالاخص عصير الليمون عشان لونهم ميغيرش اما الخس والبقدونش والخضار الورقي عشان ميصفرش اول ما تجبيهم تغسليهم كويس وتنشفيهم وبعد كده تلفيهم في فوطه وبعدها كيس نايلون وبكده هتقدري تحافظى عليهم 10 ايام وهيكونون جاهزين في اى وقت
بس كده مش فاكرة حاجه تانى وياريت يكون في اى حاجه جديده ومفيدة
موضوع: نصائح للمطبخ 
الأربعاء ديسمبر 16, 2009 3:54 pm
